ඇඹුලයි ඇඹුලයි , ඒත් පට්ට ගුණයි. දෙහි නොහොත් LIME [Part two]

මම පහුගිය සතියෙ ඉඳන් ලියන්න ගත්ත ලිපි පෙලේ දෙවන කොටසයි මේ.

අද මම ඔයාලට කියන්නෙ දෙහි නොහොත් lime වල ඇති ඖෂධීය වැදගත්කම ගැන. 

මෙහි විද්‍යාත්මක නාමය තමයි Citrus aurantifolia. ඉතින් මේ දෙහි විවිධ විදියට ඖෂධාත්මකව වැදගත් වෙනව. 

රෝග සුවයට 

• සෙම්ප්‍රතිශ්‍යාවට > දෙහිකොල තැම්බූ ජලයෙන් දුම් ඇල්ලීම.
• පණු රෝගයට   >දෙහි ඇඹුලින් ගලේ තබා අඹරා ගත් සාදික්කා වලට නැවතත් දෙහි මිශ්‍ර කොට බොන්න.
• හිසරදයට         >දෙහි කොල තැම්බූ වතුරෙන් හුමාලය නාසයෙන් උරා මුඛයෙන් පිටකරන්න. 
• ඉස්සොරි වලට  >දෙහි කොල , දෙහි ඇඹුල් , පොල් කිරි යන මේවා සම ප්‍රමාණවලින් ගෙන දිනක් අව්වේ කකාරා දවස් හතක් ඔලුවේ ගාන්න.
• ආහාර රුචියට   >දෙහි යුෂ , අමු ඉඟුරු , සීනි කලවම් කොට දියකර බොන්න. 
• ඉදිමුම් බැස්මට  >දෙහි පොතු ලුණු ස්වල්පයක් දමා කොටා මලවා බඳින්න. 
• පත්තෑ විෂට      >දෙහි මදයක් ගෙන කෑ තැන අතුල්ලන්න.
• ගෝනුසු විෂට   >දෙහි ඇඹුල් හා දිවි කදුරු කොල යුෂ ඇතුලත් මිශ්‍රණයක් සාදා බොන්න.
• අලුහම් වලට     >ඇත්තෝර කොල දෙහි ඇඹුලින් අඹරා ඇඟ ගා පැය බාගයකට පසු නාන්න.
• දිවි මකුලුවෙකු දෂ්ඨ කල විට > දෂ්ඨ කල ස්ථානයේ දෙහි ඇඹුලින් ගොටුකොළ ගා එම මිශ්‍රණයම මදක් ජලය දමා තනුක කොට බොන්නට දෙන්න. 

දැන් ඔයාල දැනගත්තනෙ දෙහි යුෂ වගේම දෙහි ගසම ඉතා වැදගත්කමකින් යුතු බව.   

-

ඉතින් තව දෙයක් කියන්න තියෙනව. දෙහි වැඩි වශයෙන් ව්‍යප්ත වෙලා තියෙන්නේ මොණරාගල , අම්පාර , බිබිල යන පැති වල. විටමින් C බහුල ආහාරයක් විදියට තමා දෙහි හඳුන්වන්නේ. ඒකයි අපි කෑම හදනකොට සම්බෝල , ලුණුමිරිස් වගේ ඒවලට දෙහි දාන්නෙ. අපිට විටමින් C ලැබෙන්නත් , එමගින් රෝගනිවාරණයත් හොඳින්ම සිදුවන නිසත් තමයි අපි ඒ විදියට දෙහි පාවිච්චි කරන්නෙ. 

ඉතින් මේ අවුරුදු කාලෙ ice-cream කාල වැඩිවෙලා හෙම්බිරිස්සාවක් එහෙම හැදුනත් ඔයාලට මේ ලිපිය කියෙව්ව නිසා ඒකට පිලියම් තියෙනවනේ. ලෙඩක් දුකක් නොවී නිරෝගීව ඉන්න ලැබේව කියල පතනව !!!  

එහෙනම් මේ ලිපි පෙලේ part 3 වලින් වෙනස්ම දේකින් හමු වෙමු.

thank you !!! comment එකකුත් දාගෙනම යන්න.