කුරුලෑ කැළැල් මකන වෙනිවැල් ගැට [ Part five & the last one ]

ඔන්න කාලෙකට පස්සෙ post එකක් දාන්න ආවා. 

හැමදාමත් ඔයාලට වැදගත් දෙයක් කියල දෙන්න තමයි අපි උත්සහ ගන්නෙ. 

ඉතින් කුරුලෑ කැළැල් කියන්නෙ කාටත් ගොඩක් ලොකු කරදරයක් බව දන්න නිසාම තමයි මම මේ post එක දාන්න හිතුවේ. වෙනිවැල්ගැට වලින් පුලුවන් ඒකට බෙහෙත් කරගන්න.

 ඔය තියෙන්නෙ වෙනිවැල් තමයි. ඉතින් ඔක්කොටම ඉස්සෙල්ලා වෙනිවැල් ගැන පොඩි විස්තරයක් දැනගෙන ඉම්ඳිමුකො අපි. 

දේශීය වෛද්‍ය ශාස්ත්‍රයේ ඉතාමත් වැදගත් ඖෂධයක් ලෙස වෙනිවැල් ගැට හඳුන්වා දී තිබෙනව. මේ මහඟු ඖෂධය නැති නිවෙසක් අතීත ලංකාවේ සොයාගැනීමට නැති තරම් විය. වෙහෙස මහන්සි වූ අවස්ථාවක වෙනිවැල්ගැට තම්බා ගත් ජලය පානය කර වෙහෙස නිවා ගැනීම තවමත් අප ගැමියන් අතර සිරිතකි. පස් පංගුවට ගන්නා එක් ඖෂධයක් ලෙස මේ වෙනිවල් ගැට හඳුන්වන්න පුලුවන්. එය වේදනා නාශක ඖෂධයක්ද වෙනවා. එසේම උණ සෙම්ප්‍රතිශ්‍යාව, ශාරීරික වේදනා මෙන්ම පිටගැස්ම රෝගය සඳහාද වටිනා ඖෂධයකි. එපමණක් නොව විෂබීජ නාශකයක් මෙන්ම ශරීර උත්තේජකයක් ලෙසද වෙනිවැල්ගැට පිළිගන්නවා. 

කුරුලෑ පැල්ලම් නිවාරණයට වෙනිවැල්ගැට 

කුරුළෑ නිසා මුහුනේ ඇති වෙන  කැළැල් මැකීම සඳහා භාවිත වන දේශීය ඖෂධයකි. වෙනිවැල්ගැට ඇල් දියෙන් ගලගා කුරුලෑ කැළැල් මත ආලේප කිරීමෙන් එම කැළැල් මැකී යයි. 

දැන් දැක්කනෙ ඔයාලට වැඩි දෙයක් කරන්න නෑ කියල. ඉතින් තවත් බලන් ඉන්නෙ මොකටද ?  ඔයගෙ මූණත් කුරුළෑ කැළැල් නිසා කැත වෙලානම් දැන්ම අත් හදා බලන්නකෝ.  

thank you කාලෙකට පස්සෙ දාපු පොස්ට් එක කියෙව්වට. මම ඔයාලට මෙතෙක් ගෙන ආ ඖෂධ ගැන ලිපි පෙළ මෙතෙකින් අවසන් වෙනව. 

තොරතුරු මූලාශ්‍රය : වෛද්‍යවරයා මාසික සුව සංග්‍රහය  2007 මැයි 

Read More

දත් කැක්කුමට , හිසරදයට , උදරාබාද ආදී ලෙඩ වලට ප්‍රත්‍යක්ෂ ප්‍රතිඵල මෙන්න. [ part 03 ]

මම ඔයාලට කිව්වනෙ මේ ලියන තෙවෙනි ලිපිය වෙනස් විදියකට ලියනව කියල. ඉතින් මං කල්පනා කලා ඔයාලට වැදගත් වන ශාක ගැන දැන් ලිපි දෙකකින්ම ලිව්ව නිසා අද ඔයාලට රෝග නිවාරණය ගැන කියන්න. 

ඉතින් දත් කැක්කුම , හිසරදය , බඩේ කැක්කුම වාගේ ලෙඩ සමාජයේ බහුලයි නෙ. ඉතින් මම කල්පනා කලා ඔයාලට ඒ ලෙඩ වලට පිළියම් කියල දෙන්න. මේ බෙහෙත් මම ඕනෑතරම් පරීක්ෂා කරල බලල තියනව. ඒ නිසා අත් දුටුයි , ප්‍රත්‍යක්ෂ යි. 

මෙන්න එහෙනම්.   

• දත් කැක්කුමට   >  අමු ඉඟුරු , සුදු ලූනු , ගම්මිරිස් සමව ගෙන එකට අඹරා යුශගෙන වියලි මිරිස් කරලක ඇට ඉවත් කර එතුලට බෙහෙත් දියරය පුරවා පොල්තෙල් පහන් දැල්ලෙන් රත්කර මද රශ්මියෙන් කැක්කුම ඇති දතට වත්කරන්න.  
• දත් කැක්කුමට   >  ඉද්ද කොළ යුෂ ගෙන කටේ කලතා ඉවත දමන්න. 

ඉහත සඳහන් ප්‍රතිකාරයන්ගෙන් දත් කැක්කුම ඉක්මනට සුව වෙනවා.

                       

• හිසරදයට   >  දෙලුම් මල් යුෂ නාසයට උරා ( නශ්‍ය කොට ) සෙම හරින්න. 
• හිසරදයට   > අබ , අමු ඉඟුරු , සුදු ලූනු එකට අඹරා රෙදි කඩක ගා නලලේ එලීමෙන් සුවවේ. 
• හිසරදයට   >  සුදුලූනු , කරපිංචා නැටි , රතුලූනු , සූදුරු , පොල්තෙලට යොදා රත්කර හිස ගැල්වීමෙන් සුවවේ. 

• බඩේ කැක්කුමට   >  සුදුලූනු , අමු වදකහ , අමු ඉඟුරු එකට කොටා එයට මී පැණි දමා බී විට සුවවේ. 
• බඩේ කැක්කුමට   >  නටන උනුවතුර කෝප්පයක් ඇල් ජලය නොදමා නිවා මදක් නිවුනු පසු බොන්නට දෙන්න. 

ඉතින් ඉහත සඳහන් ආකාරයට ඉහත සඳහන් ලෙඩ සුව කර ගත හැකියි. 

ලිපිය කියෙව්වාට thank you !!! 

එහෙනම් comment එකකුත් දාන්න.

Read More